Un proyectu de: María Jesús Rodríguez

María Jesús Rodríguez, Uviéu 195, ye ún de los referentes n’activo indiscutibles pa los artistes asturianos de mui distintes xeneraciones. Un referente tanto no estético como no ético, porque’l respetu que ganó’l so trabayu dende que fixere les primeres esposiciones individuales, hai cuatro décades, ye equiparable al consiguíu col posicionamientu profesional innegociable y la so propia actitú vital. La escultora foi conquistando a poco y a poco una suerte de distanciamientu al respective de la escena artística de los nuestros díes, manteniéndose ayena a la socesión interminable de modes, a les estratexes curriculares o del mercáu, y sobre too a les urxencies que cada vez más imponen nel terrén artísticu un toque frívolu, cuando non banal nel peor de los casos.

El Muséu de Belles Artes d’Asturies entama la segunda gran muestra dedicada a un artista asturianu contemporaneu siendo, nesta ocasión, la gran protagonista María Jesús Rodríguez, nome indiscutible del arte asturianu de les últimes décades.