Curtiumetraxes Llaboral Cinemateca

Villaviciosa, 26/05/2022 19:30

Cine

Programa La Cinemateca Ambulante de Llaboral Cinemateca

Añu: 2021

Duración: 95 minutos

Ficha completa de la película

La Cinemateca Ambulante ufierta nesti programa una escoyeta de cuatro curtiumetraxes producíos va poco n’Asturies y que tán incluyíos nel catálogu de distribución Curtiumetraxes Llaboral Cinemateca. Esta ye una sesión diversa, áxil y apasionante, onde tienen acoyida’l documental y la ficción y qu’apuesta, sobre manera, polos talentos asturianos nuevos. Ta compuesta por cuatro obres que percorrieron dellos de los más importantes festivales internacionales de tol planeta, siendo dalgunos d’ellos merecedores de dalgunos premios.

 

La colcha y la madre - David P. Sañudo

2020| 13:43 | Español | Drama

Una ma va a visitar a la so fía, xusto cuando esta diba salir. La fía tien muncha priesa: discutió col home y como nun llegue a la so esposición nueva, la rellación peligra. Pero la ma trai-y un regalu. Y una mala noticia. Si-y da dos minutos, cúnta-yla.

Información adicional:

Premiu del públicu nel Festival Curtiu Ciudad Real 2021; mención especial del Xuráu del Festival de Cine y televisión del Reinu de Llión 2021; Premiu Keler Saria nel Festival de Curtios al Aire Llibre Koretrraza 2021 (Vitoria-Gasteiz); Roel a meyor guion (Marina Parés) nel Festival de Cine de Medina del Campo 2021 (Valladolid); Sección oficial del Festival de Málaga 2021; Finalista de los Premios Fugaz 2021; Festival de Cine de Sant Joan d’Alacant 2021 (Valencia); Certame Decortoján 2021 (Jaén); Sección oficial del Festival Internacional de Cine Bajo la Luna - Islantilla Cinefórum 2021 (Huelva); Sección oficial del Festival de Cine de l’Alfás del Pi 2021 (Alicante).

 

Los ladrillos - Tito Montero

2020| 19:30 | Español, italianu | Non ficción

Nel so primer viaxe a los Estaos Uníos, Tito Montero sigue los pasos d’Eduardo Galeano peles cais de Chicago pa trazar un percorríu posible camín del monumentu a los Mártires de Haymarket, símbolu de la llucha mundial polos derechos llaborales y orixe de la celebración anual, cada primeru de mayu, del Día Internacional de los Trabayadores. Les palabres del cineasta y la so historia obrera familiar entemécense coles del escritor uruguayu y les d’otros referentes lliterarios pa componer un trayectu personal y colectivu tanto pol espaciu como pol tiempu.

Información adicional:

Sección Oficial de Curtiumetraxes del Festival Internacional de Cine de Xixón 2020; D’A Film Festival 2021, sección Un Impulso Colectivo Curts: La memoria viva; Competición Internacional del Festival Internacional Curtas Vila do Conde 2021 (Portugal).

 

Moru - Ángeles Muñiz Cachón

2020| 40:48 | Español | Documental

Moru ye la vida de munches persones, ye la so infancia, el so pasáu. La xente quier que se remocique’l so edificiu vieyu pa poder restaurar les sos propies alcordances.

 

Nyami Nyami - David Rodríguez Muñiz

2020| 20:00 | Español | Documental

Una historia de barcos perdíos, marineros desapaecíos y d’un llobu de mar vieyu en tierra na primer fola de la pandemia del 2020.

Información adicional:

Premiu del Públicu de la Sección Asturies del Avilés Acción Film Festival 2021; Mención especial RTPA de la Competición Asturies Curtiumetraxes del Festival Internacional de Cine de Xixón, 59 FICX; Rotemburg International Film Festival 2021 (Suráfrica)