Eventu cancelao

La vida del pequeñu Rob J. Cole camuda´l día que queda güérfanu y descubre que tien una habilidá insólita nes manes: pue predicir la muerte.
Adoptáu como aprendiz por un ciruxanu barberu, Rob percuerre Inglaterra descubriendo la vida, la disciplina y l´interés por deprender. Con diecinueve años, un médicu xudíu fála-y de la Persia allalantrones, onde existe una escuela de medicina que xestiona´l meyor médicu de la dómina: Avicena. Rob marcha escontra l´aventura, dispuestu a cruciar mediu mundu pa convertise en médicu.

Mentes viaxa nuna caravana pel desiertu conoz a Mary, una moza escocesa que-y va facer recordar los sos oríxenes y va marcar los sos planes de futuru. Nada va ser fácil pa Rob n´Ispahan, nin facese pasar por xudíu pa que-y dexen estudiar nin la so rellación col xa, que s´encapricha de la so amistá. Bien ceo va convertise nun alumnu aventayáu d´Avicena, pero una plaga, la guerra y un rei déspota van poner a prueba la vida de Rob. Namás l´amistá, la so vocación y l´amor dexen que sobreviva.