Falar de Faro ye sumise dafechu na hestoria d’Uviéu. Nel suelu d’esti pequeñu pueblu del conceyu hai un verdaderu oru pardo; pa munches persones, el barru sedrá namái eso, una sustancia puerca y ensin valía, pero ye daveres el sofitu d’ún de los elementos culturales fundamentales de la etnografía, non sólo uvieína o asturiana, sinón universal. L’alfarería vien acompangando a la humanidá dende abenayá. Ye un arte y un llabor que ñaz de la tierra, de la tierra de Faro que valió pa crear la so historia y debe siguir creando el so futuru.