Programa d’actividaes pa la Conmemoración del 1.300 aniversariu de la Batalla de Cuadonga

Comisariáu: Natalia Alonso Arduengo

Al traviés de la imaxe fotográfica de José Ferrero y el soníu de Mind Revolution (Eugenia Tejón y Ángel Cotallo) avérase al públicu la historia y el patrimoniu cultural y natural de Cuadonga y de los conceyos del itinerariu cultural Camín de los Santuarios.

Les semeyes de José Ferrero van garrar como base conceptos como llugar, territoriu, tradición, identidá, ecosistema, naturaleza, historia, creu... Caún esperimenta la so propia visión, que se reflexa nuna instalación creada a partir de les imáxenes y soníos recoyíos na zona.