Empezamos en Santuyano, onde destaquen les pintures interiores. Dende ellí vamos ver los esteriores de la Fábrica d’Armes, onde s’allugó’l monesteriu de Santa María de La Vega. Vamos visitar tamién la fonte de Foncalada y la Catedral de San Salvador 1.200 años depués de qu’empezare la so construcción, un finxu indiscutible nes pelegrinaciones. Depués de la comida, vamos siguir los pasos del rei Alfonso II, el primer pelegrín a Compostela, percorriendo a pie parte del Camín Primitivu contra L’Escampleru, asomándonos a la ponte de Gallegos (Les Regueres) y averándonos al esterior de los monumentos del Naranco.