Circuitu d’actividaes temátiques Xacobéu 2022

El Camín de Santiago surdió na Alta Edad Media, una época onde la maxa algamó una medría bien grande, sobre manera nes zones rurales lloñe de los centros de saber que representaben los monesterios y les primeres universidaes. Yera aquella una maxa que buscaba comprender la naturaleza y atopar no escondío la solución a problemes más mundanos.

Ye nesta maxa na que se basa La magia del Camino, un percorríu pela maxa más clásica que s’inspira nesos tiempos nos que los peregrinos empezaron a andar p’hacia Santiago. Un espectáculu pa tola familia qu’incluye efectos de distintes disciplines de la maxa como la cartomaxa, la maxa con palombes o les grandes ilusiones.