Las mujeres en Cervantes y Shakespeare d´Arte Producciones José Rico Teatro
Cangas del Narcea, 30/07/2022 19:00
Artes Escéniques
Circuitu d’actividaes d’artes escéniques
Xéneru: drama, comedia
Dirixío a: públicu adulto
Duración: 90 minutos
Maritornes, Ofelia, Dulcinea, Xulieta y Teresa Panza representen el mundu femenín de Cervantes y Shakespeare. Reflexonen sobre la so vida y inquieren al autor el porqué d’esi tratamientu: los personaxes femeninos de Shakespeare quéxense del so destín tráxicu. Les muyeres de Cervantes, per otru llau, comparten una realidá de clas social alta que nun disfruten. Muévense nuna dualidá: Maritornes tiense por fidalga, pero trabaya de prostituta; Dulcinea ye una gran dama na imaxinación de Don Quixote, pero na realidá ye una campesina; Teresa Panza ye muyer d’un gobernador, pero nun exerce como tala.
L’intercambéu d’opiniones y puntos de vista ente personaxes y d’estes colos autores compón esti espectáculu frescu y amenu.