Circuitu d´artes escéniques

Dos actores, Arantxa y Lobo, axúntense nun payar pa facer realidá un suañu: crear una obra de teatru que faiga xusticia poética al autor de Fuente Vaqueros, Federico García Lorca. Esti llabor diba tar bonu de facer si nun fore porque la guapura de los sos versos ye tala que paez que nenguna representación de la so obra diba poder tar a l’altura. A la fin y al cabu…, ¿cómo se lleva al teatru’l golor de la mar o cómo s’enllena d’estrelles el patiu de butaques?

Al traviés d’esta comedia interactiva, xuntos van descubrir la personalidá radiante de Lorca, les sos pieces más lúdiques van llevar al públicu de fiesta y hasta pue que, si lo faen bien de verdá, el mesmu autor apaeza pa da-yos una sorpresa.