Circuitu d’actividaes d’artes escéniques

El mágico viaje de Patri Zenner ye un espectáculu de cai pa tola familia onde se mecen la cetrería, la maxa de Patri y los seres mitolóxicos y lleendes. Una bruxina simpática, Patri Zenner, llega al llugar col so vehículu raru, que tien un arcu del que colinga un calderu onde cuez de contino la pócima de la ilusión, echando pómpares de xabón qu’al españar lleven a tolos presentes a un mundu de fantasía.

Patri va enseñándo-yos cómo los seres del monte -elfos, gnomos, trasgos y duendes- -y foron aprendiendo tola maxa qu’ella conoz. Non solo estos seres-y aprendieron la so maxa, sinón que tamién Alba Ladychuza, muyer de nueche y curuxina de día, -y inculcó l’amor pola naturaleza, el respetu pa coles persones y los animales y, por supuestu, la so maxa.