Circuitu d´actividaes musicales

Nel 2021 celebróse´l 200 aniversariu del nacimientu de Pauline Viardot, cantante, compositora, profesora, viaxera, políglota y inspiradora de músicos como Liszt, Berlioz, Saint-Saëns, Wagner, Chopin, Massenet, Schumann, Brahms, Gounod o Meyerbeer.

Ana Nebot y Arkaitz Mendoza faen un homenaxe merecíu a una de les muyeres más influyentes nel panorama musical européu de la segunda metá del s. XIX con un programa con obres pa una voz y dellos dúos compuestos por Viardot, y tamién con obres de Chopin y Schumann trescrites pola propia compositora, que dan muestra del intercambéu artísticu européu que se dio en plenu s. XIX.