Circuitu d´actividaes musicales

La banda asturiana Body & the Soulers, formada por seis músicos con una trayectoria amplia nel panorama musical, presenta´l so discu nuevu, From side to side.

El so discu, con un total de nueve cantares, ye´l principiu d´un viaxe con una montonera de poses peles dómines y estilos de la música popular norteamericana, con destín final na actualidá. Nun falten referencies, tanto musicales como estétiques, al jazz, swing y rock & roll de los años 50 (con dalgún toque doowop nos coros) y afóndase nel R&B, soul y funk de los años 60 y 70 (Aretha Franklin, Etta James, Tina Turner…), con un enclín claru a anovar esos xéneros na onda d´artistes como Amy Winehouse o Imelda May.