Erase una vez y otras historias corrientes de Concha Prada
Avilés, 14/07/2022 09:00
Artes Visuales
Del 14 de xunetu al 16 de ochobre 2022
Horariu de visita: de llunes a domingu de 9:00 a 00:00 h.
Preciu: de baldre
Un proyectu de: Concha Prada
La Plaza del Centru Niemeyer va acoyer hasta’l 16 d’ochobre, el tercer añu siguíu, una esposición que dexa al públicu disfrutar de la fotografía al traviés de reproducciones de gran formatu, de forma llibre y de baldre. La protagonista d’esta cita nueva cola fotografía ye Concha Prada.
La muestra consta de 16 obres onde l’artista ufierta la so visión particular de los cuentos tradicionales, con protagonistes que son bien conocíos pol públicu xeneral, pero da-yos una vuelta de tuerca que fai que paezan seres raros, menos reales, menos inocentes. Asina, al traviés del lente de Prada, los cuentos infantiles garren una apariencia más averada a la velea. Esto produzse porque “amás de los cuentos, existen otres munches histories corrientes qu’asoceden nestes imáxenes”, según argumenta la comisaria de la esposición, Rosa Olivares.