El primer fin de selmana d’agostu, díes 6 y 7, vuelve l’Alzada Vaqueira a Balmonte, que s’alluga nel Parque Públicu de Balmonte de Miranda.
Va haber puestos d’artesanía, talleres en vivo d’oficios tradicionales, talleres infantiles; too amenizao con música del país. El sábadu va facese un homenaxe a Pin de Cigüedres, nel XXI aniversariu de la so muerte, a les 13:00 h nel so pueblu natal y a les 18:00 h nel Sociocultural. Va rematar los actos del homenaxe l’actuación de Rafa Lorenzo, a les 20:00 h.

El domingu siguimos colos talleres y puestos d’artesanía hasta les 18:00 h.