Circuitu d’artes escéniques

Misery ye l’adaptación teatral de William Goldman sobre la novela Stephen King que lleva’l mesmu nome. Una pieza de terror psicolóxicu qu’anguaño considérase de cultu.

Paul Sheldon, un escritor exitosu de noveles romántiques, sufre un accidente grave de la que conduz en metá d’una tormenta de ñeve. Al poco esconsoña en casa d’Annie Wilkes, la muyer que lu rescató. Por fortuna pa él, ella ye enfermera asina qu’amas d’ufri-y abellugu pa la tormenta ayúdalu cola recuperación de les mancadures. Ella confiesa ser la mayor almiradora de la saga de noveles de Misery Chastain, creada por Paul. Pero depués de pasar unos díes en casa d’ella, Paul entama a preguntase si ta a salvo con Annie.