Al traviés d’un procesu d’ensayos, una actriz y un actor traten de llevar a escena la versión teatral d’una novela exitosa, onde l’argumentu principal trata d’un asocedíu terrible.
Pa poder facer esta versión, los intérpretes van tentar esgranar los motivos del asocedíu, lo que va llevalos a descubrir y cuestionar cuáles son les sos verdaderes motivaciones personales nesti proyectu.

Versión ye una puesta en valor de l’actuación. Del arte d’actuar. D’interpretar. Esi xuegu divertíu, perversu y misteriosu, con regles que naide definió tovía. Interpretar ye l’intentu d’apoderase d’una mente y un cuerpu ayenu dende’l propiu. Ye la colonización d’otra intimidá. Pero, inevitablemente, tamién ye’l xuiciu inconsciente d’unos actos.