Carlos del Amor nació en Murcia en 1974 y vive en Madrid dende l’añu 2000. Conozse bien el so llabor periodísticu, siempre lligáu a RTVE y enfocáu a la cultura. Ye habitual velu cubrir los festivales de cine más importantes del mundu y pasiar pelos museos principales ufiertando unes cróniques mui reconocibles, que lu convierten nuna de les voces más importantes del periodismu cultural del nuestru país. Prueba d’esto son los premios internacionales algamaos pol so documental Revelando a Dalí.

Llicenciáu en Periodismu pola Universidá Carlos III de Madrid y diplomáu en Documentación pola Universidá de Murcia, impartió ponencies y conferencies en bien d’universidaes. Nel 2013 debutó na lliteratura col llibru de cuentos La vida a veces, del qu’ún d’ellos, “El trastero”, llevóse al cine. Nel 2015 diba llegar la so primer novela, El año sin verano, y nel 2017 Confabulación. La so última creación, Emocionarte. La doble vida de los cuadros algamó’l premiu Espasa 2020 y supunxo l’afianzamientu de Del Amor como cuntador d’histories, seyan estes inventaes o reales