Sofía Salazar Sánchez (Venezuela, 1999) empezó los estudios musicales de bien neña n’El Sistema, en Venezuela, onde tuvo la oportunidá de que la dirixeren batutes internacionales importantes. Actualmente ye estudiante de máster na Cátedra de Jacques Zoon de la Escuela Superior de Música Reina Sofía.

Luis Arias Fernández (Madrid, 1988). Empezó los estudios musicales a los seis años nel Centru d’Enseñanza y Desenvolvimientu d’Aptitúes Musicales (CEDAM), completando la formación nel Real Conservatoriu Superior de Música de Madrid. Actualmente compaxina l’actividá concertística cola docencia.

Belle époque

Belle époque ye’l nome del periodu de paréntesis nos conflictos bélicos d’Europa ente últimos del sieglu XIX y primeros del XX. Esta posa ayudó a la medría económica y a la creación d’espacios culturales. Esti movimientu condensóse nun escenariu ideal: París, que se convirtió na capital europea del espectáculu, del arte, del impresionismu, de la moda… y de la flauta moderna. Esti recital supón una escoyeta del repertoriu pa flauta más representativu de la dómina, de los compositores franceses que mostraron los colores y versatilidá de la flauta (Sofía Salazar) en combinación col pianu (Luis Arias): Fauré, Godard, Debussy, Enescu…