Ciclu Palabra

Julián Hernández (Madrid, 1960) ye gallegu y, sicasí, hipermétrope. Medró en Vigo al empar que cursaba estudios y tocó pela primer vez una guitarra eléctrica la tarde del 20 de payares de 1975. Mentes cursaba más estudios, collabora col Grupo de Comunicación Poética Rompente y el Taller de Música Mundana de Llorenç Barber. En Siniestro Total dende la so formación en 1981, grabó una ventena de discos cola banda, pasando de la batería a la voz solista nuna muestra de superación personal.

Compunxo música pa televisión Xabarín Club, TVG, teatru Batea, Artello y cine Strip-tease, un film didáctico, Manuel M. Romón. Como actor participó nos films La matanza caníbal de los garrulos lisérgicos (Antonio Blanco, 1993), Sex (Antonio Dyaz, 2004) y la película X Caspa Brothers ¾ The Movie (Narcis Bosch, 1998).

Aparte d’escribir lletres pa cantares orixinales y versiones, collaboró en dellos medios (Faro de Vigo, El País, el fanzine Smecta…) y ye autor de los llibros ¿Hay vida inteligente en el rock & roll? (Temas de hoy, 1999), Sustancia negra (Espasa, 2015) y Gina en Pyongyang (Harkonnen Books, 2021). Y vive con cuatro gatos.