La consagración de la primavera de Fernando Franco
Xixón, 12/02/2023 19:00
Cine
Preciu: 4€; Reducíu: 3€ pa socios del Club Cultura Asturies, Pasaporte Cultural, comunidá Uniovi y Carné Mozu Asturies
Venta d’entraes: Llaboral Ciudá de la Cultura, Centru Niemeyer, CITPA, 952 076 262 y Unientradas.es
Dirección: Fernando Franco
Añu: 2022
Duración: 110 min
Llingua: español
Laura ta acabante de llegar a Madrid pa instalase nun Colexu Mayor y estudiar la carrera de Química. Sola y cuasi ensin dineru, intenta adaptase a la vida universitaria mentes batalla coles sos inseguridaes. Una nueche, casualmente, conoz a David, un mozu con parálisis cerebral que vive cola ma, Isabel. Laura inicia con ellos una rellación de confianza que va ayudala a superar los sos complexos y encarar una etapa nueva camín de la madurez. La consagración de la primavera ye una historia sobre esi momentu vital nel que too ye posible y sobre cómo l’alcuentru más inesperáu pue cambianos la vida.
Nominada a los Premios Goya a Meyor Actor y Meyor Actriz Revelación; nominada a los Premios Feroz a Meyor Actriz Secundaria y Meyor Cartel; Festival de San Sebastián 2022.
La programación cinematográfica ufiertada por Llaboral Cinemateca ta coordinada pol Festival Internacional de Cine de Gijón/Xixón (Divertia Gijón SA) |