Circuitu de música

El Coru de Muyeres de San Esteban ye un coru pequeñu o ochote que, a pesar de la so trayectoria curtia, yá tien percorrío los grandes escenarios del panorama asturianu, mostrando una forma de cantar que, ensin dexar de ser técnicamente esixente, busca la espresividá, la comunicación y el contactu col públicu.

Les actuaciones destaquen pola capacidá pa incluyir al públicu na música, creando un ambiente festivu y contaxando l’allegría a los presentes. Dientro del repertoriu, amás de canciones corales de tol mundu, podemos atopar bayura de temes de raigañu asturianu y lo que podríemos considerar la so mayor contribución a la música coral n’Asturies: Gospel n’Ast.