Circuitu d’artes visuales

Un proyectu de: Eugenia Fernández Tejón

CalcoManías ye un proyectu de 20 semeyes, interveníes con calcos cerámicos atopaos no que yera la Fábrica de Lloza de San Cloyo y onde tamién s’usen aplicaciones cerámiques. Con esta obra búscase una manera alternativa d’espresión más allá del formatu fotográficu tradicional, al traviés de la intervención de la imaxe con otros elementos plásticos propios de les artes aplicaes y les artes decoratives. Los calcos cerámicos, que va tiempu valieron como elementu decorativu de cacía y oxetos utilitarios, garren un significáu nuevu al sacalos d’esi contestu y convertilos n’elementos simbólicos dientro de la imaxe representada.