Circuitu d’artes visuales

Un proyectu de: Juan Fernández Álava y Luis Argeo Fernández Álava

Cada cara ye única y irrepetible, tanto por ser el reflexu visible de cada individuu, como por tar suxeta a un cambéu constante pol pasu del tiempu. La fascinación pol retratu, amás del análisis de factores esternos y internos que promueven esta tresformación, como pueden ser la incidencia de la lluz, l’estáu anímicu, la espresividá social, el factor temporal o del sitiu, son los pegollos d’esti proyectu artísticu. Recurriendo a la pintura, el cine y la fotografía, Entre pensamiento y expresión va mostrar el resultáu del retratu con dellos mozos de puntos estremaos d’Asturies na so contorna a lo llargo d’unos meses, cola mira de reflexonar sobre l’adolescencia asturiana, les sos circunstancies, peculiaridaes y xeneralidaes.