Conciertu d’Algaire en formatu banda, incluyendo amás programaciones electróniques que reforcien y potencien la puesta n’escena, dando dinamismu al conciertu, dexando crear en dellos temes ambientes calmos y cenciellos mientres qu’otros reciben grande fuercia y enerxía. El grupu ufre una visión propia de la tradición oral asturiana, averándola a otres sonoridaes y estilos más contemporáneos coles mires d’ufiertar una propuesta artística de calter actual que pueda llegar a tou tipu de públicos. El repertoriu del grupu ta constituyíu tanto por temes tradicionales como por composiciones d’autor.