Circuitu Autores nel camín 2023

Carlos Alba recibió nel 2022 el Premiu Nel Amaro de Teatru Profesional en llingua asturiana y eonaviegu cola obra Les madreñes vacíes.

Especializáu en trabayos unipersonales de teatru narrativu, xuglaría y monólogu dirixíos a tou tipu de públicos, Carlos Alba lleva escrites, adaptaes y interpretaes delles decenes d’espectáculos n’asturianu, gallego-asturianu y castellanu. Con Juan Soldado, llevó’l premiu FETEN 2015 a la meyor adaptación del testu, y con Llázaro de Tormes el Premiu Nel Amaro del teatru profesional n’asturianu en 2017. Tamién recibió dellos premios como autor de monólogos y como narrador oral. Nel campu de los cuntacuentos tien propuestes pa públicu infantil, bebés, adultos, mozos y persones mayores, procurando siempre mantener vivu’l contactu cola tradición oral y la cuentística popular.