Circuitu Autores nel camín 2023

Algaire recibió nel 2022 el Premiu Camaretá al meyor cantar col tema Coral y maera.

El grupu integráu por Iratxe Espina, Carla Miranda, Loreto Suárez y Juan Yagüe, nació nel añu 2020 como un proyectu de voz y percusión tradicional asturiana. En 2021 graben el primer discu, Coral y maera, formáu tanto por temes tradicionales como por composiciones d’autor.

Ente les actuaciones qu’Algaire tuvo nel 2022, hai que destacar la so participación nel Festival Intercélticu de Lorient, onde amás de participar nos conciertos del “Pavillon Asturies” llevaron el primer premiu nel “Trophée Loic Raison” de grupos folk.