Teenage Fan Club
Xixón, 11/10/2023 20:30
Música
Temática: música power pop, folk-rock
Dirixíu a: tolos públicos
Duración: 80 minutos
Preciu: 30 €. Zona non numberada 1 €. Descuentu del 20% pa Club Cultura Asturies o Pasaporte Cultural
Venta d’entraes: Llaboral Ciudá de la Cultura, CITPA, Centru Niemeyer, 952 076 262 y Unientradas.es
Teloneros: Sweet Baboo
Cuando falamos de Teenage Fanclub tamos faciéndolo d’unos iconos del power pop y el folk-rock interpretaos según les coordenaes de lo que foi la era del rock alternativu surdíu a útlimos de los años ochenta del sieglu pasáu. Dende l’área de Glasgow y con Norman Blake, Gerard Love y Raymond McGinley como cofundadores en 1989, la so brúxula foi siguiendo dende’l principiu’l norte que-yos marcaben los cantares de Big Star, Badfinger y The Byrds. Himnos de soníu denso, impulsaos por guitarres y con una marca distintiva clasicista, de madurez bien matizada, con estribillos y harmoníes vocales caldies que te quedaben apegaos.
Con esi espíritu dieron salida a discos que marcaron aquella dómina, como Bandwagonesque (1991) —#1 na llista de Heatseekers del Billboard gracies a hits como Star Sign, What Do You Do To Me o The Concept—, Grand Prix (1995) y Songs From Northern Britain (1997), carambelos p’amantes de les guitarres que queríen evitar les corrientes mayoritaries del grunge y el britpop. Convertíos nuna formación de cultu, a lo llargo d’esti sieglu siguieron publicando álbumes que llograron una gran acoyida ente la crítica especializada y los sos acólitos, como ye’l casu de Man-Made (2005), que grabaron en Chicago con John McEntire (Tortoise), Shadows (2010) o el so últimu LP hasta la fecha, Endless Arcade (2021).