Proyectu de: Fundación Municipal de Cultura, Educación y Universidad Popular

Si conxugamos el verbu fabular, pue que favorezamos la creación de seres fantásticos y imaxinarios. Escoyéronse personaxes ficticios de la narrativa o del cómic, tanto infantil, xuvenil como adulto, y procuróse facer un maridaxe con ellos yá foren antagonistes, indiferentes o afines confabulándolos pa xenerar un diálogu visual ente los escoyíos. Les consecuencies de lo premeditao o de l´aleatoriedá tán por esclariase... pero de seguro que van maraviyar.

Una propuesta lúdica y léxica del alumnáu de grabáu de la UP, al traviés de les técniques de grabáu y la estampación dende les artes visuales. Un homenaxe de fábula hacia les mentes de narratives áxiles que propunxeron criatures fabuloses.