Los grupos de pintura y dibuxu de la Universidá Popular inviten a percibir la pintura d´una manera más amplia, entendiendo esti mediu non solo dende un planu bidimensional, sinón tamién con una intención espansiva clara, dando importancia a detalles como la forma, el tamañu y l´allugamientu de cada elementu pictóricu, cola mira de sintetizar les formes y dar protagonismu al espaciu creáu.

Pa facer esta esposición, tuviéronse mui presentes los pintores locales como Javier Victorero y Alejandro Mieres poles característiques de la so obra plástica, pero tamién a Kandinsky -ún de los precursores de l´abstracción y la pintura xeométrica- y a Alexander Calder coles sos escultures móviles. Tomáronse les influencies de la escultura y l´arquitectura como bases pictóriques p´atopar les posibilidaes estétiques de la simpleza de les formes, y asina crear composiciones visuales nueves nesti proyectu colectivu de la Universidá Popular.