Un proyectu de: Erwin Olaf

Mostrar la insignificancia de la existencia cola que vivimos nesti sieglu. Esta ye l´alma de la obra del artista neerlandés Erwin Olaf (Hilversum, 1959), internacionalmente aclamáu, ún de los grandes renovadores de la fotografía y el videu narrativos dende últimos de los años 90, quien toma la Sala de Fotografía del Centru Niemeyer cola so esposición Erwin Olaf. Un mundo que desvanece. Esta muestra presenta una selección perfecha d´instantánees y desarrollos audiovisuales intentando a costafecha mostrar la alienación y incomunicación progresives del ser humanu na metrópolis del sieglu XXI, onde vive domináu pol pesu de los tabús y les convenciones sociales.

Baxo´l comisariáu del Dr. Paco Barragán, y col sofitu de la Embaxada del Reinu de los Países Baxos n´España, la esposición recueye una ochentena de semeyes, vídeos y videoinstalaciones feches a partir del añu 2000 qu´averen al visitante a les claves d´una práctica artística que, de manera sofisticada y complexa, llama l´atención sobre aspectos como l´ansiedá, la vulnerabilidá, la soledá o la tristura nun mundu en plena crisis y suxetu a tresformaciones inimaxinables y radicales.
Un mundo que desvanece» nun s´articula de manera cronolóxica, sinón temática. Caúna de les trés secciones que la componen Me, Myself and I, La familia y los amigos son para siempre, Una ciudad llamada deseo y April Fool 2020 vien cola so propia secuencia narrativa que describe la transición d´un estáu de felicidá, diversión, compañerismu y fe nel futuru contra otru bien diferente de sentimientos o estaos de decepción, separación, incredulidá, desesperu o rabia.

 Rutas interpretatives

Domingos 30 de xunetu, 27 d´agostu y 17 de setiembre a las 11:30 h.

La ruta del 17 de setiembre contará con traducción a llingua de signos española (LSE) en colaboración cola Federación de Personas Sordas del Principado de Asturias (FESOPRAS).