La prosa va a alcontrase cola música nuna esperiencia única. Garrando elementos del Roméu y Xulieta de W. Shakespeare, amás de la Historia Novellamente Ritrovata di due Nobili Amanti de Luigi da Porto, esti recital adapta llibremente´l clásicu de la lliteratura ufiertando un contestu narrativu a dieciséis pieces del ballet Roméu y Xulieta Op. 64, de Sergei Prokofiev. Cristina Cordero a la viola y Juan Barahona al pianu dan vida a esti guión intercalando les sos intervenciones musicales cola narración.

Cristina Cordero (Madrid, 1998) y Juan Barahona (1989) empiecen la so collaboración artística nel añu 2018. A lo llargo d´estos años tuvieren la oportunidá d´actuar en munchos escenarios n´Europa y Suramérica, collechando grandes éxitos en sales como l´Auditoriu Nacional de Música (Madrid), Palau de la Música Catalana (Barcelona), Marmorsaal Schloss Weissenstein (Pommersfelden), Casa de la Música (Quito), ente otros. Cuntaron col conseyu de grandes maestros como Nobuko Imai, Marta Gulyás, Antoine Tamestit y Hariolf Schlichtig.