Llaboral Cinemateca ufierta una programación especial de curtiumetraxes cola que conmemora El Día + Curtiu del Añu, que se celebra cada 21 d´avientu coincidiendo col tradicional solsticiu d´iviernu. El programa inclúi, el sábadu 16, una selección de curtiumetraxes del catálogu BAFTA Shorts 2023 y el domingu 17, va poder disfrutase cola proyección de Llaboral Cinemateca Curtios, qu´incluye cuatro curtiumetraxes asturianos de producción recién y que tán incluyíos nel actual catálogu de distribución de Llaboral Cinemateca.

Llaboral Cinemateca Curtios

Duración: 88 min

Zoe & Reneé

Iván Ladeiras. España, 2022. 19 min. Ficción.

Renée ye una amante de la pintura. Depués de perder la visión, ha lluchar contra los fechos pa nun perdese a sigo mesma. Zoe, la so pareya, va ayudala a encarar los sos mieos pa superar el duelu.

8 filmes sobre la guerra

Pablo Casanueva. España, 2021. 34 min. Documental.

Álbum audiovisual formáu por ocho curtiumetraxes nos que s’avera a la represión franquista nel conceyu Ribeseya (Asturies). Un percorríu pel paisaxe, los testimonios, la investigación histórica y la documentación d’archivu.

El último comienzo

Gloria Gutiérrez y Jorge Delgado. España, 2021. 20 min. Ficción.

Nes postreres y caótiques hores del planeta, Marta y Jaime faen match nuna app de cites. Ensin tiempu malapenes pa pensar, cítense en casa d’él, nun pueblu solitariu cerca de la mar, pa pasar xuntos, lloñe de too, el fin del mundu. Pero... ¿cómo saber cuál ye’l final correctu d’ente tolos posibles?

Lata de sardinas

Antonio Llaneza. España, 2022. 17 min. Ficción.

Joel, un mozu catalán, vuelve a Barcelona p’acudir al entierru del pá. Ellí recíbenlu la so hermana y familiares. El desapegu y la carencia de rellaciones apártenlu de les sos obligaciones morales. Xunto al so amigu Borja, va evadise caleyando pela ciudá, mentes observa la paulatina decadencia social de la que va tiempu lleva fuxendo.

La programación cinematográfica ofrecida por Laboral Cinemateca está elaborada por el Festival Internacional de Cine de Gijón/Xixón (Divertia Gijón S.A.).	Con la colaboración de