El Cascanueces ye un ballet de dos actos, orixinalmente coreografiáu por Marius Petipa y Lev Ivanov con una partitura de Piotr Ilyich Tchaikovsky. El llibretu ye una adaptación del cuentu de Hoffmann El Cascanueces y el Rei Ratón. Estrenóse nel Teatru Mariinsky de San Petersburgo, el 18 d´avientu de 1892, en sesión doble cola ópera de Tchaikovsky Iolanta.

El Ballet de Kiev caltién ente los sos oxetivos principales el curiáu de les tradiciones y esencia del ballet clásicu más puru, siendo cada representación una fiesta pa los sentíos pola sobriedá de les coreografíes, la perfección de toes y caúna de les sos llinies, el virtuosismu de los sos solistes y la vistosidá y grandeza de los sos decoraos y vestuariu, toos ellos diseñaos n´esclusiva polos meyores maestros de los talleres de Kiev.