Inaugúrase la 33 Muestra d´Artes Plástiques del Principáu d´Asturies. Esta edición caracterízase pola vuelta de la pintura, ensin que se pueda dicir que los siete integrantes seyan estrictamente pintores, encadenaos a los pinceles como galeotes a los remos, y qu´amás de cuadros, llenzos, texíos o papeles nun podamos atopar tamién relieves escultóricos, oxetos de delles clases, vídeos y demás debalaes conceptuales, d’eses que nos faen cuestionar si lo que tenemos énte los güeyos ye puertu seguru o una trampa pa pininos a los que desarmar.

La muestra compónse d´obres d´Iyán Castaño Molleda, ganador del Premiu Asturies Moza d’Artes Plástiques 2023 y de los escoyíos pa formar parte de la esposición, Paula Blanco García, Irene Cuesta del Cura, Lucía García Sánchez, Pablo Iglesias Martín, Pablo López Peláez, Diego Machargo Camblor.