José Manuel Tejedor ye ún de los gaiteros más premiaos del Principáu d’Asturies. Triple ganador del Troféu Macallan celebráu nel Festival de Lorient, amás de liderar el grupu con más proyección del Principáu a lo llargo de más de 20 años y cuatro discos exitosos, TEJEDOR.

Premios como l’Urogallo de Bronce, premiu al Meyor cantar, 3 premios Amas de la música Asturiana y Premiu Nacional de la música nel 2008. Tien bien de collaboraciones a lo llargo de la so carrera: Kepa Junkera, Michael Mcgoldrick, Duncan Chisholm, Phil Cunningahm, John Joe Kelly, Faltriqueira, Carlos Núñez, Canall Vallely, Donald Show, Davy Spillane, Revolver, Melendi, Ella baila sola, El sueño de Morfeo, son namás delles.

Tien participao nos festivales europeos de más prestixu y en xires per Norteamérica y Suramérica y ye’l compositor de la banda sonora de la película La torre de Suso de Tom Fernández.

En mayu del 2022 presentó’l so últimu trabayu, Lluz, nel Teatru Palacio Valdés d’Avilés, onde dexa ver el so llau más íntimu y personal.