Circuitu d’artes visuales

Un proyectu de: Juan Falcón

Esti proyectu arranca de la tradición francesa del “cadávere esquisitu”, onde dende una sola imaxe xenérense munches más. Un mundo simbólico ye’l proyectu nel que Juan Falcón crea una colección d’obra plástica (pintura, escultura y videu) a partir del material técnicu y de taller heriedu de los descendientes del artista asturianu José Legazpi. La esposición configúrase como una cadena d’eslabones. Trátase d’una alcordanza compartida y imaxinada na que, d’una manera aparentemente primitiva, l’autor proyecta un trabayu cola voz d’otru, dando como resultáu un conxuntu d’obres rellacionaes ente sigo.