POEX llega a la quinta edición cola mira de ser un festival de referencia nel contestu cultural de la ciudá y d´averase, pasu ente pasu, a la dimensión y prestixu que tienen otros eventos asemeyaos nel ámbitu nacional.

Esta quinta edición tien como exa temática la fusión ente música y poesía baxo´l lema poesía & música: rellaciones cómplices. Lo más del programa va dir nesa dirección pente medies de recitales y conciertos adaptaos al festival onde la música nun va ser un complementu de la palabra, sinón el nucleu que-y dio orixe como espresión artística.