Depués de grabar un discu en directo colos 25 cantares más emblemáticos de la so carrera, Lorenzo Santamaría despídese de los escenarios con una xira per España y Llatinoamérica, acompañáu d’una gran banda y un repertoriu colos sos temes más importantes.

Artista pop de raíces roqueres, lideró´l grupu de rock Z 66. Dende 1970 empezó una carrera musical meteórica como solista col nome artísticu de Lorenzo Santamaría. Ye un referente nel pop melódicu y románticu español que llogró dellos númberos 1 y grandes éxitos en distintos países, realizando xires per toa Llatinoamérica. Tien nel so haber grandes xoyes como Para que no me olvides, Sólo por ese amor, Bailemos, Si tú fueras mi mujer, Noches de blanco satén, Te daré mi vida... ente otros munchos cantares.