Circuitu d’artes escéniques

La familia Saponare ye una familia de fontaneros. Trés xeneraciones indiquen que Giovanni Saponare, l’únicu de la familia que tovía nun ye parte de la empresa, tien qu’empezar yá col oficiu. Pero’l nuestru protagonista nun ta mui convencíu. Él va intentalo, pero lo que de verdá quier esti Saponare ye ser artista.

Saponare va mostranos la desgracia del clown, tentando de ser daqué que nun ye, pero descubriendo que’l so fracasu conviértese na so meyor virtú. Nesi viaxe, va regalanos momentos máxicos, como facer burbuyes con una tabla d’inodoru o con una ducha y malabares con desatascadores.