Ema vien con munchísimes ganes a cuntanos la historia que-y pasó l’otru día nel parque col so gatu Bigotes y una andarina, pero al ver a neños y neñes que nun conoz da-y un poco de vergoña y nun s’atreve a falar, anque descubre que ¡sí que s’atreve a cantar! Entós, en vez de cuntanos la historia decide que nos la va cantar. Ema siempre tien les emociones a flor de piel y a lo llargo del cuentu va a dir superando ataques de medrana, de tristura, d’incerteza... pero tamién va disfrutar y compartir xuegos y allegría.