Circuitu d´actividaes d´artes escéniques

Una compañía de sonadía nacional sufre un incidente que nun los dexa llegar al teatru onde tienen qu´actuar. Les xastres del teatru tienen más tiempu pa dexar l´espaciu arregláu y dar los últimos retoques al vestuariu, cortinaxes, etc. enantes de que llegue´l públicu. El descubrimientu de que la xente yá ta sentao nes butaques, ofrez-yos el meyor escenariu para dexar qu´apruza la so pasión verdadera y demostrar lo que siempre quixeron ser. Too ello adobao con tarántules máxiques que piquen y remociquen eses muyeres tan prestoses: peluques, vistíos, plumes, pianu, muncha música, pestañes postices, tacones y, sobre too, risa, muchísima risa. Un show músico-teatral onde los intérpretes engañen al públicu y tamién s´engañen ente ellos ensin aparar un momentu.