Habitarnos ye un proyectu que promueve l’alcuentru de los seres humanos acullá del so orixe. Ye entender l’importancia del espaciu social que compartimos, poniendo en valor la memoria de caún de los sos participantes. Caún de los sos habitantes ye un llibru, una hestoria habitable, que trai consigo la so propia lliteratura.

La idea ye construyir espacios d’alcuentru a partir del diálogu y de la llectura de llibros que promuevan la inclusión al traviés del fechu lliterariu. Esplorar xuntos espacios de la memoria, entendiendo al otru dende’l so propiu hábitat personal pa depués habitanos los unos a los otros, nuna sociedá muncho más equilibrada. Ye llograr que la convivencia se construya dende la reconocencia del otru, tanto de nativu a estranxeru, como d’estranxeru al nativu y asina, facer d’esti procesu un diálogu constante, activu. Ente caún de los talleres, los mozos van poder esplorar na so propia tradición familiar, hestories pa compartir y reconocenos.

Finalmente, como resultáu d’esti diálogu, van recoyese estos testimonios, hestories, recetes, diálogos en fanzines que van poder formar parte de les biblioteques de la zona, como un oxetu de la memoria, un puntu d’alcuentru y un exemplu de convivencia n’Asturies.