D’Itinerarios pel Patrimoniu: Sariegu
Sariegu, 08/11/2025 08:15
Itinerarios
Alcuentru: 09:00 h. Cai Mendizábal, énte’l Teatru Filarmónica d’Uviéu
Salida: 09:15 h. Parada d’autobús en C/ Argüelles, 7 d’Uviéu
Llegada calculada: 19:00 h
Les entraes sáquense online (Viajes Aire Joven va cobrar 5 euros de xestión si se quieren comprar de manera presencial na so oficina d’Uviéu).
Teléfonu d’atención al públicu pa la compra d’entraes: 985 22 92 91.
Preciu: 20 €. Públicu infantil ente 4 y 11 años, Club Cultura Asturies y Pasaporte Cultural: 18 €
Fecha: 8 de payares de 2025
Vamos empezar conociendo la Cueva y Capiya de San Pedrín, caminando dende Castañeda nuna ruta de dificultá baxa (2 quilómetros, ida y vuelta). Sobre esta cueva, habitada yá nel paleolíticu, hai lleendes de xanes qu’encantaben a los pastores. Equí celébrase una fiesta bien conocida pola so procesión, onde se saca’l santu de la capiya pa llevalu a una cueva natural, onde s’oficia la misa n’asturianu. Tamién vamos visitar Santa María de Narzana, ilesia románica d’últimos del sieglu XII y, depués de la comida, la ilesia de Santiago de Sariegu que caltién trés ventanes na parte alta de los murios de dómina prerrománica.
Recomendaciones: calzáu zarrao o bota de monte, ropa cómodo, cayáu, agua, crema solar y bocáu pa xintar.
