Un proyectu de Pablo Basagoiti.

El contemplanubes ye una serie de fotografíes a lo llargo d’un añu énte l’horizonte. Un proyectu comisariáu por Gretel Piquer qu’afítase nuna selección de semeyes mientres doce meses énte’l Cantábricu. (Casi siempres a la) Mesma hora, (casi siempres dende’l) mesmu sitiu. Esperar, observar hasta que pase daqué. Siempres pasa daqué. Lo interesante nun ye lo que pasa delantre, col paisaxe de fondu. Lo importante ye’l mesmu paisaxe y lo qu’ocurre n’él. Nel escenariu. Na mar. Camuda’l sol, camuden les marees, camuden los barcos. Camuda la imaxe y detalles primero desapercibíos, minúsculos, materialícense de sópitu énte los nuestros güeyos.

Sicasí, El contemplanubes acabó siendo muncho más de lo que’l fotógrafu buscaba nun empiezu. Non solo una vía d’escape, sinón una vía de descubrimientu. Una d’eses ayalgues mientres el procesu foi descubrir, na mesma actividá, cierta forma d’esaltación de lo cotidiano.