The Jayhawks, ún de los grupos más durables y queríos de los últimos trenta años, surdió en Minneapolis a mediaos de los 80, anque´l  éxitu nun-yos llegó hasta´l llanzamiento de la so obra maestra de 1992, Hollywood Town Hall. Nes  décades siguientes, la banda grabó una serie d´álbumes muy influyentes como Tomorrow The Green Grass, Sound Of Lies, Smile, Rainy Day Music y percorrió´l mundu munchísimes veces, compartiendo escenarios colos meyores artistes, de Bob Dylan y Tom Petty hasta Lucinda Williams y Wilco, etc.

Depués d´una pausa llarga a mediaos de la década de los 2000, Louris y los compañeros de banda dende cuantayá, el baxista Marc Perlman, el batería Tim O´Reagan y la teclista Karen Grotberg, volvieron pal estudiu, llanzando hai poco l´aclamáu Paging Mr. Proust y Back Roads And Abandoned Motels en 2016 y 2018, respectivamente.