Toys in the attic ye un espectáculu de danza contemporánea de la coreógrafa Marina Fueyo.

La pieza escomienza nel instante cero: el nacimientu. Los personaxes introdúcense nun cuartu simbólicu - llendáu nel suelu por un rectángulu de madera con una entrada y una salida -, un espaciu que va ser úteru, sala d’espera y prisión. La propuesta desenvuélvese como un tránsitu ente lo absurdo y lo tráxico, onde la incomprensión, la espera y la soledá conviértense en fuercies asfixantes. Un retratu físicu y emocional de cuerpos que, ensin fuxida posible, aprenden a vivir cola congoxa.