Un títere de papel va ser, a partir d’una caricatura, Ángel González. Un teatru de rabil va amosar la hestoria de Serenes, una de les poques poesíes infantiles qu’escribió Ángel y que la narradora-titiritera va rellacionar col mitu d’Ulises y les serenes.

Al traviés de fragmentos de poemes va dir narrándose la vida d’Ángel, los sos gustos por observar, mirar y buscar: na mar, nos animales que texen misterios y canten; pero tamién nel pasu del tiempu, al traviés de cosadielles y de les sos propies poesíes. El teatru de rabil, depués de les semeyes d’Ángel, va pasar a tresformase nun teatru de papel, que va ilustrar fragmentos d’otros poemes.

Una sesión pa conocer la poesía d’Ángel González y la so vida cuntada por “él mesmu”.