Marián García Rodríguez y Xurde Fernández Fernández recibieron nel 2025 el Premiu María Josefa Canellada de lliteratura infantil y xuvenil n’asturianu cola obra Ascensoristes, S.A.

Marián García (Xixón, 1975), ye llicenciada en Filoloxía Española, especialista en Filoloxía Asturiana y profesora de Secundaria. Ye autora, xunto con Xurde Fernández, de les noveles El color del escaezu, y Aeropuertu y de materiales pal aprendizaxe de la llingua asturiana. Escribió dellos llibros xuveniles y infantiles y tien traducíes al asturianu delles obres de teatru. Xurde Fernández (Candás, 1975) ye doctor n’Equidá, Igualdá y Innovación educativa, llicenciáu en Filoloxía española, especialista en Filoloxía asturiana y profesor de Secundaria. Como autor, publicó llibros de poesía, de cuentos, noveles y espectáculos.