42 Selmana de les Lletres Asturianes. Esposición: Nel Amaro - Postal / Visual

Xixón,05/05/2021 10:00

Lliteratura

42 Selmana de les Lletres Asturianes. Exposición: Nel Amaro - Postal / Visual
Xixón

Del 5 de mayu al 26 de xunu de 2021

Horariu de visita: de miércoles a vienres de 10:00 a 10:00 h. Sábadu de 12:00 a 19:00 h. Dende´l 15 xunu, de miércoles a sábadu, de 11:00 a 19:00 h.

Vestíbulu LLABoral Centru d´Arte y Creación Industrial

Los Prados, 121

33203 Gijón / Xixón

T: 985 185 577

Más información

Preciu: de baldre

Nel Amaro (Quentuserrón, Mieres, 1946 – Uviéu, 2011) ye parte (marxinal) (iconoclasta) (multidisciplinar) (vanguardista) de la primer xeneración del Surdimientu lliterariu asturianu. Cultivó´l teatru, la poesía, la narrativa, l´arte postal, la videocreación, la performance. Publicó en castellano (Habitación de poeta; Boca arriba, lentamente naufragando; El banquete) y, sobre too, n´asturianu (Antígona, por exemplu; ¡Adiós, Dvorak!; Pruebes d´autor; Cementeriu cívicu; ¡¡¡Falanxista!!!; Entós, cuando ñevaba). Editó fanzines, impulsó alcuentros d´arte postal y poesía visual, participó n´atopaes internacionales d´acción poética.

Esta esposición recueye fundamentalmente tres facetes de la so trayectoria creativa: poesía visual, arte postal y videocreación. Dialoga con materiales básicos, cásique refugaya, colos códigos de la publicidá y la cultura audiovisual de mases, y entemez técniques clásiques con construcciones fuxidices, alcuando limítrofes col mal gustu.

Diez años depués de la so muerte y pa setenta y cinco del so nacimientu, la Selmana de les Lletres Asturianes 2021 rinde tributu a un artista irrepetible.