Itinerarios pel patrimoniu. El Camín de Santiago pel Occidente
03/07/2021 08:00
Museos y Equipamientos
Plazes escoses
Fecha: 24 de xunetu de 2021
Horariu de salida: 8:00 h. d´Oviedo / Uviéu. 8:30 h. d´Avilés. Llegada calculada: 20:30 h.
Puntu d’alcuentru: Cai Mendizábal, énte’l Teatru Filarmónica d’Oviedo / Uviéu. Estación d´autocares d´Avilés.
Recomendaciones: calzáu zarrao o bota de monte, ropa cómodo, cayáu, agua y crema solar
Preciu: 18 €. Públicu infantil entre 4 y 11 años, grupos de más de 10 persones, Pasaporte Cultural y Club Cultura Asturias: 15 €.
Vamos empezar en Castropol, balcón natural al Eo. La so ilesia baxo l´advocación de Santiago, igual que´l so hospital vieyu, fala de la so rellación directa col pelegrinaxe del Camín de la Costa.
Vamos visitar el conxuntu etnográficu d´Os Teixóis y los sos inxenios hidráulicos y vamos percorrer los restos del monesteriu de Santa María de Vilanova, Vilanova d´Ozcos, ún de los pocos monesterios cistercienses del Principáu y el cenobiu más importante del estremu occidental asturianu. Vamos acabar nel Muséu Etnográficu de Grandas de Salime Pepe el Ferreiro, un llugar sobresaliente nel Camín Primitivu, que tien como baluarte la Colexata de San Salvador, onde los pelegrinos atopaben abellugu desque cruciaben el puertu d´El Palu.
